Veljarakanning í Grønlandi vísur broyting

Um 1.000 grønlendingar eru spurdir, hvønn flokk tey fara at atkvøða fyri við næsta val.

44,4 prosent av veljarunum fara at velja Inuit Ataqatigiit, meðan 36,5 prosent velja Siumut, skrivar blaðið.

Nýggi flokkurin, Partii Naleraq, fær 4,3 prosent atkvøðunum, og tað er umleið tríggjar ferðir so nógv sum eitt nú flokkurin Partii Inut, sum bert fær stuðul frá 1,6 prosentum av veljarunum.

Samgonguflokkurin Atassut hevur afturgongd upp á 1,4 prosent í mun til valúrslitið í marsmánað í fjør. Atassut-flokkurin fær tó framvegis stuðul frá 6,8 prosentum av velarjunum, og í hølinum á teimum koma Demokratarnir við 6,4 prosentum.

Kanningin vísur eisini, at best umtókti limurin í grønlendska landsstýrinum er Martha Lund Olsen, sum er landsstýriskvinna í familju- og lógarmálum.