- Tíðindi, mentan og ítróttur
Kanska tollfrítt sterkt øl mánadagin
<div>Tað fer kanska at bera til at keypa sera bíligt sterkt øl mánadagin, øl, sum er sterkari enn 5,8 prosent, uttan toll og avgjøld. Orsøkin er, at løgtingið hevur ikki ásett avgjaldið á sterka ølið.</div><div><br></div><div>Lógaruppskotið kom annars í løgtingið úr Fíggjarmálaráðnum 7.mars. Men fyrsta viðgerð var ikki fyrr enn 23.mars. Nú er málið í Fíggjarnevndini, og Fíggjarnevndin hevur ikki fund aftur fyrr enn hósdagin.</div><div><br></div><div>Stóri spurningurin er nú, um sterka ølið kann seljast, tá tað einki nummar hevur í vøruskránni hjá tollvaldinum. Tað nummarið fær sterka ølið ikki fyrr enn løgtingið hevur ásett nummarið. </div><div><br></div><div>Embætisfólk hjá løgtinginum og Fíggjarmálaráðnum kjakast dúgliga um spurningin í teldupostum, sum kunnu lesast á heimasíðuni hjá løgtinginum. Fíggjarmálaráðið heldur uppá, at sterka ølið kann ikki seljast, um tað ikki hevur nakað vørunummar, sum tað kann tollast eftir.</div><div><br></div><div>Men løgfrøðingarnir hjá løgtinginum og TAKS siga, at tað ber ikki til at nokta at selja eina vøru, sum er góðkend við lóg, sama um hon ikki hevur nakað vørunummar.</div><div><br></div><div>Finnur TAKS ikki onkra leið at fáa sín part av sterka ølinum, kann tað enda við, at sterka ølið verður tollfrítt líka til lógin, sum enn er í Fíggjarnevndini, er lýst og komin í gildi.</div><div><br></div><div><br></div>
