Dýru fiskasløgini:færri tons men fleiri krónur

Meira fæst fyri botnfisk í ár enn í fjør.

Tað vísa nýggjastu tølini, sum Hagstovan hevur kunngjørt.

Til 1.august í ár vórðu avreidd tvey prosent minni av botnfiski, so sum toski, hýsu og upsa, enn í fjør. 

Men virði á fiskinum var seks prosent størri enn í fjør.

Hóast tonsini vóru 516 færri enn í fjør, fingust 18 milliónir krónur meira fyri fiskin í ár. 
Tó er prísurin fyri upsan á leið tann sami sum í fjør.