- Tíðindi, mentan og ítróttur
Suðuroyingar farnir úr Faroe Farming
<p>Vágbingar spyrja nú, hvussu verður við alivirkseminum og kryvjivirkinum í Vági, eftir at lokalu kreftirnar eru farnar úr Faroe Farming, og íløgufelagið Tjaldur og Bakkafrost einsamøll eiga fyritøkuna.</p><div><br><div>Líggjas í Bø, stjóri í Tjaldri, sum nú eigur 51 prosent av Faroe Farming, sigur við útvarpið, at virksemið heldur fram sum vant, tí eingin avgerð er tikin um at broyta virksemið.</div><div><br></div><div>Fortreytirnar broyttust annars, tá meirilutin í partafelagnum Suðuraling um vikuskiftið avgjørdi at selja síni 22 prosent í Faroe Farming. Ein av eigarunum, Erhard Joensen, sum eisini var stjóri í Faroe Farming, er ikki longur stjóri. Tað váttar hann fyri útvarpinum, men vil ikki gera fleiri viðmerkingar. </div><div><br></div><div>Kirstin Strøm Bech, borgarstjóri í Vági, harmast, at lokalu kreftirnar ikki longur eru við í Faroe Farming. Hon fer nú at biðja um fund við eigararnar at vita, hvørjar ætlanirnar eru, ikki minst við kryvjivirkinum, har 25 fólk hava starvast.</div><div><br></div><div><b>Meiri verður at frætta í útvarpstíðindunum.</b></div></div>
