Her er stjórin í tunnilsfelagnum

<p>Nevndin í p/f Eystur- og Sandoyartunlar hevur avgjørt at seta Teit Samuelsen sum stjóra í felagnum, boðaði felagið frá stutt fyri døgverða mánadagin.</p>

<p>Nýsetti stjórin í felagnum, Teitur Samuelsen, er útbúgvin Cand. Merc. Aud. Hann hevur seinastu fimm árini verið fíggjarstjóri hjá Bakkafrosti.</p>

<p>Tað hevur drigið út at seta stjóran í tunnilsfelagnum. Upprunaliga var ætlanin, at stjórin fyri Eystur- og Sandoyartunlar skuldi setast í august mánaði, segði nevndarformaðurin, Bergur Poulsen, tá við Kringvarpið.</p>

<p>Tá freistin at søkja starvið sum tunnilsstjóri var úti 11. august, høvdu 20 umsøkjarar søkt starvið - bæði føroyingar og útlendingar. Seks av teimum 20 umsøkjarunum vórðu bodnir til samrøðu.</p>