Ætlan til hoyringar: høvuðsstaðurin um 15 ár

Kommunuætlanin hjá býráðnum í Havn um næstu 15 árini skal ikki bara vera grundarlag fyri vøkstri í Tórshavnar kommunu, men í øllum landinum.

Uppskot um kommunuætlan fram til 2030 varð í gjár sent til hoyringar hjá almenninginum. 

Kommunuætlanin er politiska skjalið hjá kommununi um menningina til 2030.

Hon er gjørd saman við donsku fyritøkuni Rambøll. 

Ætlanin verður til hoyringar í seks vikur, áðrenn býráðið viðger hana endaliga.

Til ber at síggja ætlanina á heimasíðuni hjá Tórshavnar kommunu, Torshavn.fo. Har sæst eisini, hvar pappírsútgávan av ætlanini liggur frammi.

Borgarafundur um kommunuætlanina verður í skúlanum við Løgmannabreyt í Hoyvík mikukvøldið 29.oktober.