Búnaðarstovan hevur verið á fjalli

Búnaðarstovan hevur verið á fjalli í høgunum Sunnasti, Miðjan, Svartá og Hvilvt, - ein dag fyrr enn í fjør. 

Allur seyðurin varð vigaður, og ansað varð eftir, at lombini vóru turr, tá tey vórðu vigað. 

Í ár góvu hagarnir 181 lomb, og tey vigaðu tilsamans 7.366 kilo livandi. 

Lombini vigaðu væl meira í ár enn í fjør, bæði livandi og krovini. 

Miðalvektin á livandi lombum var 41,9 kilo í ár móti 39,6 kilo í fjør. 

Krovini vigaðu í miðal 32,8 pund í ár móti 30,9 í fjør, skrivar Búnaðarstovan.

Les meira um kanningina á heimasíðuni hjá Búnaðarstovuni