Birkilund verður umvæld fyri 14,5 milliónir krónur

Birkilund verður umvæld fyri 14,5 milliónir krónur
Býráðið hevur samtykt at umvæla dagsstovnin í staðin fyri at byggja nýggjan
Birkilund gjørdist kommunalur stovnur 1.januar í 2012. Á vári í 2012 varð blámusoppur staðfestur í dagsstovninum.
 
31.10.2014 - 10:26

Tað fer at kosta 14,5 mío. kr. at umvæla dagsstovnin Birkilund í eysturbýnum í Havn

Býráðið samtykti í gjárkvøldið at taka av tilboði frá Húsavarðartænastuni upp á arbeiðið.

Trivnaðarnevndin hjá býráðnum samtykti annars í apríl í ár at seta í verk býráðssamtyktina frá juli í 2012 um at byggja nýggjan stovn og bjóða arkitektaarbeiðið út alment.

Men í mai í ár samtykti Fíggjarnevndin at mæla býráðnum til at bjóða út arbeiðið at høvuðsumvæla bygningin sum undirhondsboð millum tveir arbeiðstakarar. Og tað samtykti býráðið. 

Eittans tilboð kom, og tað var frá Húsavarðartænastuni. 

Umvælingin er mett at taka 10 mánaðir. 

Blámusoppur er í Birkilund, og tí er neyðugt at umvæla bygningin. 

Er kopiera
Nýggjastu sendingar í ÚV
Nýggjastu sendingar í SV
Hósdag 27. februar
Hvíta gullið
188389
Hósdag 27. februar
DOKO1423 - teknmálstulkað
188375
Hósdag 27. februar
Morgunkórið
188372
Mikudag 26. februar
Ein søga um 45 ár
188344