- Tíðindi, mentan og ítróttur
Kósin slakar 12 milliónir í avlopi
<div>Partafelagið Kósin hevði 11,6 milliónir krónur í avlopi í fjør. Umsetningurin var 185 milliónir krónur, skrivar Norðlýsið.. </div><div><br></div><div>- Verður friður um rættindini at fiska, so tað aftur fer at bera til at arbeiða, síggja vit ljóst upp á framtíðina. Grundarlagið undir virkinum er gott í løtuni, men rokið um fiskivinnupolitikkin skapar ein ótryggleika, sum merkist í allari vinnuni, sigur Hanus Hansen, stjóri á Kósini, við Norðlýsið. </div><div><br></div><div>Sambært stjóranum sæst rikni fiskivinnupolitikkurin aftur í roknskapinum hjá Kósini, serliga hjá Gadus, sum seldi fyri 20 milliónir krónur minni í fjør enn árið fyri. Makreltrætan hevði við sær, at Føroyar og Noreg ikki gjørdu nakra sínamillum fiskiveiðuavtalu, og tí sluppu føroysku flakatrolararnir ikki í norskan sjógv at fiska.</div><div><br></div><div>Eisini fýlist stjórin á Kósini á, hvussu fiskiskapurin eftir makreli varð skipaður í fjør. Hanus Hansen eftirlýsir, at landsstýrið ásetir eginkvotur til øll skip, sum sleppa at fiska makrel. Tí tá ber til at skipa fiskiskapin á besta hátt, sigur hann við Norðlýsið.</div><div><br></div>
