Ætla at brúka meira pening til marknaðarføring

<p>Hinar ætla at brúka tað sama sum í ár. Tað vísir ein kanning, sum Gallup gjørdi fyri Felagið Føroysk Marknaðarfólk. Sambært kanningini ætla 23 prosent av størstu privatu fyritøkunum í landinum at brúka fleiri pengar til marknaðarføring næsta ár.</p>

<p>66 prosent siga seg fara at brúka tað sama sum í ár. Gallup spurdi eisini, hvussu væl mannaðar marknaðardeildirnar eru hjá fyritøkunum í Føroyum. Í 43 prosentum av fyritøkunum er bara eitt starvsfólk, sum arbeiðir við marknaðarføring.</p>

<p>Hjá 34 prosentum eru tvey marknaðarfólk, og 18 prosent hava fleiri enn tvey starvsfólk til marknaðarføring. Bara seks prosent av størstu privatu fyritøkunum í Føroyum siga seg einki starvsfólk hava, sum arbeiðir við marknaðarføring.</p>

<p>Í fjórðu hvørjari fyritøku taka marknaðarstjórin ella marknaðarleiðarin avgerðirnar um marknaðarføringina. Fríggjakvøldið 14.november fer Felagið Føroysk Marknaðarfólk at kunngera, hvørjar eru ársins bestu lýsingar í ár.</p>