- Tíðindi, mentan og ítróttur
Eygleiðarar: Putin skuldi vinna valið
<div>Forsetavalið í Ruslandi varð lagt til rættis, so Vladimir Putin skuldi vinna. </div><div><br></div><div>Tað siga óheftir eygleiðarar, sum hava gjørt eina frágreiðing um valið. </div><div><br></div><div>- Tað var eingin verulig kapping um at gerast forseti, og Putin og hansara fólk høvdu betri atgongd til almennu hjálpina, sum fanst, sigur Tonino Picula, sum var eygleiðari fyri felagskapin fyri trygd og samstarvi í Europa, OSCE.</div><div><br></div><div>Eygleiðararnir mæla til at gera eina størri frágreiðing um viðurskiftini, sum vóru upp undir valið, og meðan valt varð.</div><div><br></div><div>- Endamálið við einum vali er, at spenningur skal verða um úrslitið. Tað var tað ikki á forsetavalinum í Russlandi. Og vit halda ikki, at valið var rættvíst, sigur Picula.</div><div><br></div><div>Andstøðupolitikarar í Russlandi finnast eisini at valinum, sum endaði við, at Putin fekk minst 60 prosent av atkvøðunum longu í fyrra umfari, og tí er ikki neyðugt við einum valumfari afturat.</div><div><br></div><div>Eygleiðararnir siga, at i triðja hvørjum valhøli,har eygleiðarar vóru, varð svikað við uppteljingini.</div><div><br></div><div>Fleiri enn 3.500 kærur eru komnar um forsetavalið í Russlandi í gjár.</div><div><br></div>
