Umbyggingin kostar 13,6 mió. kr.

Tað fer at kosta Starvsmannafelagnum 13,6 mió. kr. at umbyggja bygningin í Vørðsluni í Havn, sum Tiltaksgrunnur felagsins keypti frá landsstýrinum í fjør, og klæða gamla bygningin hjá felagnum. 

Talan er um annan bygningin, sum Sjónvarpið var í. 

Fýra tilboð komu upp á arbeiðið.

Eysturlon lægsta tilboð

Eysturlon á Velbastað hevði lægsta tilboðið, slakar 13.6 mió. kr. 

Starvsmannafelagið er farið undir samráðingar við Eysturlon. Gongur eftir ætlan verður sáttmáli um arbeiðið undirskrivaður seinni í hesum mánaðinum. 

Ætlanin er, at arbeiðið skal byrja longu 1.desember og verða liðugt fyri jól næsta ár, upplýsir Starvsmannafelagið.