Íslendski innanríkisráðharrin leggur frá sær

Hon hevur verið undir trýsti, eftir at tað kom fram, at skjøl eru likin úr innanríkisráðnum.

Í farnu viku varð ein av ráðgevum hennara, Gísli Freyr Valdórsson, dømdur 2 mánaðar fongsul og sjey mánaðar treytaða fongsulsrevsing fyri at hava likið trúnaðarskjøl úr innanríkisráðnum til fjølmiðlar. Talan er um skjøl í einum máli um ein mann, sum hevur søkt um friðskjól í Íslandi.

Avleiðingar

Í kjalarvørrinum av dóminum í farnu viku, hevur Sjálvstæðisflokkurin boðað frá, at hann framvegis stuðlar henni sum innanríkisráðharra.

Beint eftir at dómurin var kunngjørdur, segði hon í samrøðu við fjølmiðlar, at hon fer úr politikki, tá hetta valskeiðið er runnið.

Í dag tekur hon so avleiðingarnar og fer frá sum innanríkisráðharri. Tað boðaði hon flokkinum frá seinnapartin ídag, skrivar RUV.