Líraberg tapti málið um endurgjald

Partafelagið Líraberg fekk ikki viðhald í Føroya rætti í málinum um endurgjald fyri mista makrelveiðu í 2012.

Líraberg stevndi Fiskimálaráðnum eftir 750.000 kr., og vildi hava rættin at døma Fiskimálaráðið at viðganga, at lógin um vinnuligan fiskiskap er ikki rætt umsitin.

Men rætturin kom til ta niðurstøðu, at Fiskimálaráðið er fríkent, og at Líraberg og manningin skal rinda Fiskimálaráðnum 75.000 kr. í sakarmálskostnaði.

Tað stendur í stutta dóminum, sum varð almannakunngjørdur fyri løtu síðani.

Óli Jacobsen, sum er ein av eigarunum av partafelagnum Lírabergi, sigur, at hann fyrst fer at lesa dómin, áðrenn ger viðmerkingar til mmálið.