100 fólk hava tørv á serligum skúlatilboði

Meiri enn 100 ung, millum 16 og 25 ár, hava tørv á einum serligum skúlatilboði, tí tey megna ikki at taka miðnámsútbúgving, uttan at hava stuðul og serlig skúla- og bútilboð.

Tað vísir ein tørvslýsing í álitinum um skipað miðnámstilboð til ungfólk við serligum tørvi, ið varð handað landsstýrisfólkunum, Anniku Olsen og Bjørn Kalsø, í dag. 

Átta fólk úr Mentamálaráðnum, Almannamálaráðnum, Sernámi, Almannaverkinum, Studentaskúlanum á Kambsdali, Rásini og úr MBF vóru í arbeiðsbólkinum, sum hevur skrivað álitið.

Mynd: Frida Poulsen, limur í arbeiðsbólkinum, legði niðurstøðurnar í álitinum fram