Dráttur steypavinnari

Fyri fyrstu ferð síðan 2007, er Dráttur steypavinnari. Fimm sett máttu til, áðrenn finalan varð avgjørd.

Dráttur var á odda tvær ferðir í settum, men báðar ferðir svaraði TB aftur.

TB vann fjórða setti rættiliga greitt, 25-17, og tá bendi meira á, at tær skuldu vinna dystin.

Men í fimta settið var mest sum eingin ivi. Dráttur var á odda frá byrjan og vann 15-11.

Góða úrslitið hjá Drátti kemur av miðvísum ungdómsarbeiði, og tað sást aftur, tá sekstan ára gamla Anna S. Hansen varð vald til dagsins leikara hjá Drátti.

Gudrid Nolsøe varð vald til dagsins leikara hjá TB.

Bæði TB og Dráttur hava nógvar góðar ungdómsleikarar, og júst hesi bæði feløgini møtast eisini í finaluni hjá kvinnuunglingum í morgin.

TB - Dáttur 2-3 (19-25, 25-23, 20-25, 25-17, 11-15)