Harðskapsmál í Klaksvík

Ein maður skal verða sligin so mikið meint, at hann noyddist á skaðastovuna fyri at fáa viðgerð. Hendingin fór fram á einum skeinkingarstaði í Klaksvík.

Á politistøðini í Havn siga tey, at málið verður kannað. Og enn er ikki vist, um tann, sum sligin er, fer at melda gerningsmannin.

Annars hevur tað verið friðarlig í nátt, sigur vakthavandi á politistøðini.