Nýggj forkvinna í Fíggingargrunninum

Birita Sandberg Samuelsen, advokatur, tekur við sum forkvinna í nevndini hjá Fíggingargrunninum, nú formaðurin, sum hevur verið í eitt ár, Rúni Vang Poulsen, stjóri í Smyril Line, fer í nevndina í BankNordik á aðalfundi bankans í dag.

Rúni Vang Poulsen heldur tó fram í nevndini í Fíggingargrunninum, sum umsitur partapeningin hjá landinum í BankNordik. Landið eigur framvegis triðingin av bankanum.

Rúni Vang Poulsen bað sjálvur um at sleppa frá sum formaður í Fíggingargrunninum. 

Jørgen Niclasen, landsstýrismaður í fíggjarmálum, valdi nýggja nevnd í Fíggingargrunninum fyrst í apríl í fjør. 

Í nevndini eru nú Birita Sandberg Samuelsen, Rúni Poulsen, Birta Biskopstø, Bjarki Mohr og Meinhard Poulsen.

Fíggingargrunnurin plagar at hava fólk í nevndini hjá BankNordik.