FM sendinetið í Noregi verður sløkt

Tað hevur mentamálaráðharrin, Thorhild Widwey, gjørt av. Við hesum hevur norska stjórnin tikið endaligu avgerðina um, at norskt útvarp verður fullkomiliga talgilt frá 2017, skrivar NRK.

Talgildingin letur upp fyri einum størri fjølbroytni av rásum, sum lurtararnir kring landið kunnu fáa gagn av. Haraftrat verður ljóðgóðskan betri, tilbúgvingin betri og størri kapping, sigur mentamálaráðharrin í tíðindaskrivi.

Í februar váttaði norska Miðlaeftirlitið, at krøvini til at sløkkja FM eru lokin og at útvarpið kann talgildast heilt frá 2017. 56 prosent av lurtarunum lurtaðu eftir talgildum útvarpi við ársskiftið.

Ein treyt, fyri at talgilda alt útvarpið, er, at yvir helvtin av lurtarunum hoyra útvarpið talgilt, sambært NRK.