Naina Túgvustein fyribils landssjúkrahússtjóri

Sigurð Ó. Vang, segði seg herfyri úr starvi, sum stjóri á Landssjúkrahúsinum, til fyrsta juni.

Fyri at tryggja støðug viðurskifti og styrkja sjúkrahússtjórnina í skiftistíðini hevur landsstýrismaðurin í heilsumálum í dag sett Nainu Túgvustein sum virkandi sjúkrahússtjóra á Landssjúkrahúsinum til nýggjur stjóri tekur við. Tað skrivar Heilsumálaráðið í tíðindaskrivi.

Naina Túgvustein hevur verið partur av sjúkrahússtjórnini á Landssjúkrahúsinum seinastu seks árini.

Fráfarandi sjúkrahússtjórin, Sigurð Ó. Vang, verður serligur ráðgevi hjá sjúkrahússtjórnini, til hann tekur við øðrum starvið um mánaðarskifti.

Samstundis er avtala gjørd við Høgna Djurhuus, yvirlækna, um at virka sum varastjóri við læknafakligari bakgrund komandi tríggjar mánaðirnar, harav fyrsta mánaðin saman við fráfarandi varastjóra Anders Bøgesvang. 

Broytingarnar koma í kjalarvørrinum av, at Sigurð Ó. Vang og Anders Bøgesvang hava sagt seg úr starvi á Landssjúkrahúsinum frá 1. juni 2015. 

Søkt hevur verið eftir nýggjum sjúkrahússtjóra, men er ikki møguligt at fáa starvið sett til 1. juni, sigur Heilsumálaráðið í tíðindaskrivi.