FM í svimjing beinleiðis í sjónvarpinum

42. Føroyameistarastevnan í svimjing byrjar hósdagin.

Umframt at kappast um heiðursmerkir, er hetta eisini síðsti møguleiki at tryggja sær pláss til altjóða kappingar.

Í summar er HM í Kazan, og yngru svimjararnir kunnu eisini klára kravtíðir til NM fyri ung, sum verður í Jönköping.

Bestu føroysku svimjararnir skulu kappast í tríggjar dagar, og sjónvarpið sendir allar FM-finalurnar beinleiðis.

Byrjað verður hósdagin,  og kappast verður eisini fríggjadagin og leygardagin.

Sjónvarpið sendir allar hesar dagarnar frá 17.00 til 19.00, tá finalurnar eru á skránni.