Norska oljuvinnan dregur lærlingar

Tað er ymiskt, hvussu tað eydnast handverkarum at fáa lærlingar.

Dømi eru um, at timburmeistarar fáa sera fáar lærlingar, men fleiri vilja læra til eletrikara, sigur Føroya Handverksmeistarafelag.

Ein orsøk til gongdina, heldur felagið, er økta kappingin um arbeiðsmegina. Serliga er tað norska oljuvinnan, sum dregur nógvar lærlingar til sín.

Hetta er ein trupulleiki fyri føroyska vinnu, heldur Handverksmeistarafelagið. Tí um fá ár verður stórur tørvur á lærlingum og fólki við yrkisútbúgving ella tekniskari útbúgving. Í løtuni er ikki samsvar millum eftirspurningin av lærlingum, og talið av teimum, sum søkja um lærupláss, sigur felagið.

Hoyr samrøðu, sum Jákup Bogi Joensen gjørdi við Magnus Magnussen, formann í Føroya Handverksmeistarafelag, í utvarpstíðindunum.