Eplavelta hjálpir granskarum at køva blámusopp

Talan er um bakteriur, sum forða blámusoppi at vaksa, - og tað hevur stóran týdning m.a. fyri tey, sum hava eplaveltir. Tað skrivar lærdi háskúlin í Keypmannahavn í tíðindaskrivi.

Á vitjanini undraðust granskararnir á, at tey í SuðurGrønlandi kundu brúka nett-sama jarðarteig til at veltu ár undan ári.

- Í Danmark og aðrastaðni í heiminum kanst tú ikki velta epli sama stað í fleiri ár, tí so kemur blámusoppur í, men soleiðis er ikki í Grønlandi. Tí fóru vit til Grønlands at kanna, hvat hendir í grønlendsku moldini, sigur Peter Stougaard, lektari við instituttið fyri Plantu- og umhvørvisvísund í tíðindaskrivinum.

Forða blámusoppi at vaksa

Víðari kanningar hjá granskarunum vístu, at stór upphóping av bakterium eru í grønlendsku moldini, sum framleiða evni, ið forða soppinum at vaksa.

Granskarar vóna nú, at teir kunnu brúka vitanina úr Grønlandi til at menna burðardyggari landbúnað, stendur í tíðindaskrivinum.