Ísland: Hóttu forsætisráðharran eftir 400.000 kr.

Íslendskar tíðindakvinnurnar løgdu trýst á Sigmund Davið Gunnalaugsson, forsætisráðharra, um at fáa pengar, annars vildu tær almannakunngera eitt bræv, har forsætisráðharrin skuldi hava hjálpt einum vinmanni og floksfelaga, Bjørn Inga Hrafnsson, eitt bankalán.

Báðar hava viðgingið, at tær sendu forsætisráðharranum eitt bræv fríggjadagin, har tær kravdu um 400.000 kr., í okkara peningi, fyri ikki at almannakunngera brævið.

Forsætisráðharrin setti seg alt fyri eitt í samband við íslendsku løgregluna, og stutt eftir vóru kvinnurnar tiknar á tí staðnum, sum tær skuldu taka ímóti pengunum.

Ikki einasta offur

Málið hevur fingið eina nýggja vend, eftir at ein annar maður hevur boðað frá, at hann hevur goldið systrunum 35.000 føroyskar krónur, fyri at sleppa undan at vera meldaður fyri at hava neyðtikið aðra systrina. 

Systraranar eru avhoyrdar, men ikki fongslaðar, meðan løgreglan kannar málið.