Aab longt sáttmálan við Gilla Sørensen

Aab longt sáttmálan við Gilla Sørensen
Føroyski landsliðsleikarin, Gilli Sørensen, hevur fingið nýggjan sáttmála við danska superligafelagið Aab
Mynd: fsf.fo  
 
09.06.2015 - 15:04

Gilli Sørensen spælir fótbólt í Aalborg í øllum førum fram til 2018.

Aab sigur í dag, at felagið hevur skrivað nýggjan trý ára sáttmála við føroyska landsliðsleikaran.

Ítróttarstjórin hjá Aab, Allan Gaarde, fegnast um, at Gilli hevur skrivað undir.

- Vit vænta, at Gilli kann menna seg nógv her hjá okkum. Hann er ein sera skjótur leikari, og tað er trupult hjá øllum mótstøðuleikarum at spæla ímóti honum, siigur Allan Gaarde við heimasíðuna hjá Aab.

Gilli Sørensen sigur við heimasíðuna hjá Aab, at málið hjá honum er nú at fáa meiri spælitíð fyri besta liðið.

Aab vann í fjør donsku landskappingina og eisini steypakappingina. Í ár endaði felagið úr Aalborg á fimta plássi.

22 ára gamli Gilli Sørensen er millum teir 23 leikararnar, sum eru úttiknir til dystin millum Føroyar og Grikkaland.

 

Er kopiera
Nýggjastu sendingar í ÚV
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442