Nýggjasta veljarakanningin

Enn bendir nógv á, at føroysku og grønlendsku umboðini á Fólkatingi verða avgerandi fyri, um tað verður Helle Thorning Scmidt ella Lars Løkke Rasmussen, sum verður danskur forsætisráðharri.

Tað er framvegis, sambært nýggjastu veljarakanningini sum var gjørd í gjárskvøldið, ógvuliga lítið sum skilir reyða og bláa vongin í Danmark.

Blái vongurin fremst

Sambært nýggjastu kanningini, sum varð kunngjørd í gjárkvøldið, fær blái vongurin 51,3 prosent av atkvøðunum, meðan hin reyði fær 48,7 prosent.

Tað gevur bláa vonginum 89 sessir í fólkatinginum, meðan hin reyði fær 86.

Føroysku og grønlendsku umboðini avgerðandi

Føroyar og Grønland fáa hvør síni tvey umboð í Fólkatingi. Ofta lagar úrslitið í Føroyum og Grønlandi seg soleiðis, at tilsamans tríggir flokkar stuðla reyðari stjórn, og ein tí bláu.

Í veljarakanningum skal takast hædd fyri hagrøðiligum iva, og tí verður mett, at tað er ógvuliga lítið, ið skilir partarnar.

Sosialdemokratarnir stórsti flokkur

Sosialdemokratarnir eru størsti flokkur í kanningini. Flokkurin fær 25,9 prosent av atkvøðunum. Vinstriflokkurin fær 20,6 og triðstørsti flokkur er danski Fólkaflokkurin, ið fær 18,1 prosent.