Borgari kært til landsstýrismálanevndina

Landsstýrismálanevndin hjá løgtinginum fekk eina kæru í gjár. 

Landsstýrismálanevndin fær ikki so nógvar kærur longur. Kæran, sum kom í gjár, er onnur kæran í hesari tingsetuni.

Nevndin fer á fundi í dag at avgera, um hon skal viðgera kæruna, ella um onnur eiga kæruna, til dømis Løgtingsins umboðsmaður.

Sirið Stenberg, forkvinna í Landsstýrismálanevndini, vil fyri fundin í dag klokkan hálvgum tólv ikki siga, hvør í landsstýrinum er kærdur ella kærd. Hon vil bara siga, at ein borgari hevur kært ein í landsstýrinum.