Eiga at gera felags tilmæli

Breið semja tykist vera um, at tað hevði verið skilabest, um landsstýrismaðurin í fiskivinnumálum fekk eitt samlað tilmæli frá Havstovuni og Fiskidaganevndini, ið partarnir stóðu saman um.

Havstovan og Fiskidaganevndin eru grundleggjandi ósamd, og tilmælini peika tí hvør sín veg.

Tí kann tað vera trupult hjá landsstýrismanninum í fiskivinnumálum at taka dagar ímillum tilmælini og hvørjum hann skal lurta eftir.

Men bæði Havstovan og Fiskidaganevndin eru sinnað at kanna møguleikan at gera eitt felags tilmæli til landsstýrismannin.