Eingin semja fekst um svartkjaftin

Tað eydnaðist ikki at fáa tey fýra strandarlondini at semjast um, hvussu svartkjaftakvotan skal býtast millum londini í ár.

Herluf Sigvaldsson, samráðingarleiðari, boðaði tí frá seint fyrrapartin, at hann gevst við royndunum at fáa øll fýra londini at semjast um 2015, tá Føroyar hava formansskapin.

Men londini kunnu, leggja tey í, halda fram at tingast um svartkjaftin, uttan at Føroyar standa fyri teimum samráðingunum, tí føroyski formansskapurin er nú liðugur.

Herluf Sigvaldsson sigur, at samráðingarfólkini hjá Føroyum og ES fara at tosa saman seinnapartin. Hini londini eru Ísland og Noreg. Grønland og Russland vóru við sum eygleiðarar. 

Í morgin og fríggjadagin vera samráðingar um norðhavssildina. Tær eru eisini í Keypmannahavn.