- Føroyar hava vinglutar grundgevingar

- Føroyar hava vinglutar grundgevingar
Tað sigur Audun Mårak, sum er stjóri í Fiskebåt, ið umboðar norsku reiðararnar
 
27.06.2015 - 10:12

Auden Mårak gevur ilt av sær um føroyska samráðingartoymið, nú tað heldur ikki eydnaðist strandarlondunum at finna semju um norðhavssildina.

- Føroyar hava vinglutar grundgevingar og koma við próvgrundum, sum eingin kann hava álit á, sigur Audun Mårak við heimasíðuna hjá Fiskebåt.

Hann heldur, at føroyingar eru bestir til broyta støðu, alt eftir, hvat sømir seg fyri føroyingar sjálvar. Av somu orsøk eru føroyingar ikki til at líta á í samráðingunum.

- Skilvísi og vísindin hevur helst trong kor í Føroyum, sigur stjórin í Fiskebåt.

Tað spurdist einki burturúr samráðingunum um norðhavssildina, sum vóru í Keypmannahavn hósdagin og í gjár. Samráðingarnar vóru um býtið av sildini fyri næsta ár.

Norra hevði formansskapin í sildasamráðingunum og boðaði frá, at nýtt samráðingarumfar verður í september.

Herluf Sigvaldson, samráðingarleiðari, sigur, at tað er langt ímillum partarnar.

Jacob Vestergaard, landsstýrismaður, sigur, at enn verður ikki farið at fiska norðhavssild, men kunngerðin er klár, og hon verður lýst um ikki so langa tíð. Í kunngerðini stendur, at føroysk skip í ár fáa loyvi at fiska 40 túsund tons av norðhavssild, sum er tað sama sum í fjør.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF