Rinda bótina í dag

Bótin kom í dag, og hon verður goldin í dag. Tað sigur Jákup Sverri Kass, stjóri í P/f Vága floghavn. Jákup Sverri Kass sigur, at sektaruppskotið er dagfest 27. juli. Men tað er sent av Fútaskrivstovuni í gjár, og tey fingu tað í dag.

Vága floghavn hevur fingið sektaruppskot frá fútanum, 15.000 kr., fyri at bróta tilbúgvingarlógina, tí Vága floghavn breyt eitt forboð hjá Brunaeftirlitinum.

SÍ EISINI Sektaruppskot fyri at bróta reglur

Brunaeftirlitið helt seg við vissu vita, at flogførini kortini bunkraðu har og tí brutu forboðið, meldaði politiið P/f Vága Floghavn.

Vága Floghavn boðaði Brunaeftirlitinum frá, at bunkringarstøðini vórðu ikki brúkt longur, og at tað var eitt mistak, at tey vórðu brúkt.

18. mars í ár fekk Vága Floghavn so eitt treytað loyvi frá Brunaeftirlitinum at brúka bunkringarstøðini, sigur Jákup Sverri Kass.

Stjórin í P/f Vága floghavn sigur, at tey hava svarað Brunaeftirlitinum, at treytirnar eru loknar, men hava ikki frætt aftur haðani.