Mótmæla fleiri tollfríum sigarettum

Mótmæla fleiri tollfríum sigarettum
Starvsfólk á Landssjúkrahúsinum mótmæla harðliga broytingini í kunngerðini um tollfrían innflutning av sigarettum. Heilsuskaðiligt, siga tey.
 
15.08.2015 - 08:56

Starvsfólk á Landssjúkrahúsinum krevja nú, at Jørgen Niclasen, landsstýrismaður, tekur aftur kunngerðina um, at loyvt er taka við sær 200 tollfríar sigarettir inn í landið í staðin fyri 100. Kungerðin kom fyrst í juli. 

Tey 72 starvsfólkini á Landssjúkrahúsinum mótmæla í almennum skrivi harðliga broytingini í kunngerðini um tollfrían innflutning hjá teimum, sum koma til Føroya úr øðrum londum.

At loyva øking í innflutningi av tollfríum tubbakki brýtur niður fyribyrgingararbeiðið, sum vit heilsustarvsfólk røkja, og verður til skaða fyri fólkaheilsuna, verður sagt. 

- Vit krevja, at landsstýrismaðurin tekur kunngerðina aftur sum skjótast, stendur í skrivinum hjá teimum 72 starvsfólkunum á Landssjúkrahúsinum.

Ferðavinnufelagið heitti á landsstýrismannin um at broyta reglurnar. 

Ferðavinnufelagið sigur, at avmarkingin í Føroyum ger, at ferðaflutningsfeløg mugu lýsa við fleiri tollreglum til ymisku londini. 

Samstundis kann avmarkingin í fleiri førum vera sera torfør at skilja hjá ferðafólki. 

Tað kemur meira enn so fyri, at tey villast í reglunum og ólógliga flyta inn sigarettir til landið uttan at geva sær far um tað. 

Samstundis kemur tað meira enn so fyri, at ferðafólk verða steðgað í tollinum og skulu rinda stóra bót fyri sítt mistak, sigur Ferðavinnufelagið.

Jørgen Niclasen avgjørdi tí at broyta reglurnar, so tær siga tað sama sum hjá grannalondunum, tíggju pakkar av sigarettum, eitt kartong.

Karsten Hansen, landsstýrismaður í heilsumálum, var ovfarin av avgerðini hjá Jørgeni Niclasen.

Málið var á landsstýrisfundi, meðan Karsten Hansen var uttanlands. Hann bað um at fáa málið flutt til hann var komin heim aftur, so hann kundi vera við í viðgerðini, men tað varð ikki gjørt.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565