Afturgongd hjá A og B í Leirvík

Tað hevur ikki gingist Fólkaflokkinum og Sambandsflokkinum eins væl í Leirvík til hetta Løgtingsvalið samanborið við í 2011.

Afturgongdin er ávíkavist 3 og 5,5 prosentstig. Fólkaflokkurin er tó størstur við 22,4 prosentum av øllum atkvøðunum í Leirvík.

Næstur Fólkaflokkinum í Leirvík er Javnaðarflokkurin, sum eigur 21,5 prosent av atkvøðunum.

Størstu framgongdina hava Javnaðarflokkurin og Tjóðveldi; báðir flokkarnir ganga fram við 3,6 prosentstigum.

Samlaða valúrslitið sæst her: Valúrslitið í Leirvík