150 húsarhald brúka jarðhita

Íløgan er stór, men rokningin hvønn mánað er minni.

Nú eru skjótt seks ár síðani, fólk fóru at brúka jarðhita í Føroyum. Og nú hava yvir hálvt annað hundrað húsarhald í Føroyum jarðhita.

Tað skrivar Jarðfeingi á sínari heimasíðu.

Íløgan í jarðhita er stór, men hon vinnur seg aftur sum frá liður, tí hitin verður bíligari.

Kostar 110.000 kr.

Jarðfeingi skrivar, at í einum føri er íløgan 110.000 kr. Men árliga útreiðslan til hita er minkað 14.500 kr., so tá átta ár eru farin, er íløgan goldin.

Eitt annað húski fekk sær jarðhita fyri 150.000 kr. 

Fyrr var oljurokningin 2.200 kr. um mánaðin. Nú er eingin oljurokning, men SEV kostar 700 kr. um mánaðin.