Valbólkurin tryggjar flokkinum betri nevndarbýti

Ein politiskur flokkur, sum stillar upp til val, eigur at fáa so stóra ávirkan sum gjørligt, og tí hava vit skyldu til at fáa so gott nevndarbýti sum tilber, tá vit ikki eru í samgongu.

Tað sigur Kári P. Højgaard í Nýggjum Sjálvstýri, nú flokkurin hevur gjørt valbólk saman við samgonguni at velja nevndarsessir í tinginum.

Hann heldur ikki, at valbólkurin fer at gera tað trupult at reka andstøðupolitikk, tí Sjálvstýrisflokkurin var í líknandi støðu frá 2004 til 2008, tá flokkurin eisini fór í valbólk við samgonguni, sum tá sat.

Hoyr samrøðu, sum Finnur Koba gjørdi við Kára P. Højgaard.