Kommunan eigur at kanna aðrar møguleikar

Rigmor Dam, landsstýriskvinna í mentamálum, hevur einki ímóti, at ein bingjuhavn verður bygd í Havn, men kommunan eigur at vera varin og hugsa seg væl um, áðrenn farið verður undir at útbyggja havnalagið.

Hon heldur, at kommunan eigur at hyggja at øðrum møguleikum enn at læsa seg fasta í ætlanini at byggja uttan fyri Skansan.

Rigmor Dam viðgongur, at Mentamálaráðið fær ikki steðgað kommununi, tí hon eigur ikki økið uttan um Skansan.

Landsstýriskvinnan var gestur í Degi og Viku í kvøld.