- Tíðindi, mentan og ítróttur
Vilja sleppa at byggja eina hædd oman á
Vilja sleppa at byggja eina hædd oman á
Meirilutin í Tórshavnar býráði heldur tað vera í lagi, at Eik Banki sleppur at byggja eina hædd oman á høvuðssætið yvir við Strond í Havn
Eik vil sleppa at byggja eina hædd oman á bygningin við Strond í Havn. Meirilutin í Tórshavnar býráði heldur tað vera í lagi
30.10.2015 - 08:03
Til tess krevst tó ein broyting í almennu byggisamtyktini, tí verður bygt oman á Eik verður bygningurin ov høgur sambært galdandi byggisamtykt.
Friðingarnevndin í Streymoyar sýslu hevur góðkent útbyggingarætlanina hjá Eik. Og Yvirfriðingarnevndin staðfesti avgerðina.
Byggisamtyktin broytt í summar
Býráðið samtykti í summar at broyta byggisamtyktina, so til ber at byggja upp til tíggju metrar í staðin fyri átta.
Býráðið fekk tvey mótmæli, annað frá Mentamálaráðnum, hitt frá Søvnum landsins, tí Eik er granni hjá Skansanum.
Í gjárkvøldið samtykti býráðið endaliga at góðkenna broytingina í byggisamtyktini. Tjóðveldi var imóti.
Er kopiera
Nýggjastu sendingar í ÚV
Nýggjastu sendingar í SV
