Vindur, varðhaldsfongsling og ferðkanningar

Nakrar plátur lógu leysar á kajøkinum í Leirvík, og í Runavík var ein trampolin farin á flog. 

Klipp í koyrikortið

Løgreglan gjørdi ferðkanningar millum Fjarða í nátt. 

Frá klokkan tríkorter til eitt og hálvan tíma fram vóru tríggir bilførarar steðgaðir fyri at hava koyrt ov skjótt. Teir fáa allir klipp í koyrikortið.

Harðskapsmál

Ein 25 ára gamal maður varð ígjárkvøldið varðhaldsfongslaður, og skuldsettur fyri harðskap.

Tað var fyrrakvøldið, at løgreglan fekk boð um, at ein maður var sparkaður í høvdið. Hendingin fór fram á Áarvegnum í Havn. Maðurin fór til kanningar á Landssjúkrahúsinum.

25 ára gamli maðurin er varðhaldsfongslaður í tríggjar vikur, meðan løgreglan kannar málið, og tí vandi er fyri, at maðurin kann gera meira um seg, um hann verður latin leysur.

Eisini fekk løgreglan fleiri fráboðanir um fólk, ið vóru ill í sær og full.