Europol væntar fleiri álop

- Vit tosa um ein væl útgjørdan, harðrendan altjóða felagskap, sum nú er virkin í gøtunum í Evropa, sigur Rob Wainwright, stjóri í Europol.

Rob Wainwright, stjóri í Europol, var í dag við í eini hoyring í evropaparlamentinum um yvirgang. Hóttanin um yvirgang er størri nú, sigur hann:

- Tí kunnu vit ikki annað enn at vera á varðhaldi. Yvirgangshóttanin ímóti Evropa hevur ikki verið størri seinastu 10 árini, sigur Rob Wainwright.

Álopið í París var bert byrjanin

- Tað var greið boð um, at Islamskur Statur ætlar sær at flyta sína ógvusligu framferð til Europa og restina av heiminum, sigur hann.

Rob Wainwright, stjóri í Europol, sigur, at atsóknin hjá Islamskum Stati í Paris økti munandi um yvirgangshóttanina í Evropa.

- Síðani atsóknina í Mumbai í 2008, hava heimsins trygdartænastur borið ótta fyri, at tað sama fór at henda í Evropa, og tað er nú hent, sigur stjórin í Europol.