Samráðast um innkoyringarveg frá tunlinum

Samráðast um innkoyringarveg frá tunlinum
Fýra milliónir verða settar av til vegin á fíggjarlógini næsta ár
 
26.12.2015 - 10:31

Landsstýrið er farið at samráðast við Tórshavnar kommunu, hvussu inn- og útkoyringarviðurskiftini skulu verða í sambandi við Eysturoyartunnilin.

Tað hevur Henrik Old, landsstýrismaður í samferðslumálum, upplýst fyri fíggjarnevndini. 

Fyribils verður mælt til at seta fýra milliónir krónur av til endamálið, men tá samráðingarnar um vegaloysnina eru lidnar, verður endalig upphædd sett á. 

Meirilutin í fíggjarnevndini sigur, at kostar vegurin meiri enn játtað, verður neyðugt við eykajáttan.

Raðfestir Hvalbiartunnil

Landsstýrismaðurin í samferðslumálum ætlar at raðfesta nýggjan Hvalbiartunnil, og meirilutin í fíggjarnevndini mælir til at játta fimm  milliónir krónur til fyrireikingarnar. Tað er m.a. at gera verkætlan, fáa lendi til vega og at gera seinastu jarðfrøðiligu kanningarnar.

Viðareiðistunnilin er komin so væl áleiðis, at hann verður liðugur í vár ella tíðliga í summar.

40 milliónir krónur vórðu fluttar til í ár, og tær seinastu umleið 40 milliónirnar verða játtaðar á fíggjarlógini næsta ár. 

Er kopiera
Nýggjastu sendingar í ÚV
Mánadag 19. mai
"Her er einki annað ljóð."
191893
Mánadag 19. mai
Morgunlestur mánadagur 19.mai 2025
192051
Mánadag 19. mai
Góðan morgun Føroyar
192041
Nýggjastu sendingar í SV
Týsdag 20. mai
3-2 (19. mai 2025)
192108
Sunnudag 18. mai
Andakt
192017
Sunnudag 18. mai
Guðstænasta úr Leirvíkar kirkju
192018
Sunnudag 18. mai
FM í estetiskum fimleiki 2025
192023