Fær fiskiloyvið í dag

Í yvirskriftini í loyvinum var skipið í skeivum bólki. Leygardagin hevði Asbjørn Senior hjá Ocean Group Faroes í Vági føroyskt loyvi at fiska makrel.

Men í gjár hevði hann einki fiskiloyvi sambært heimasíðuni Teyggjuni, har sum øll fiskiloyvi eru skrásett. Asbjørn Senior er í bólkinum onnur skip.

SÍ EISINI Hevði fiskiloyvi í ein dag

Bólkurin hevur felagsmakrelkvotu, sum er 2.844 tons. Vørn upplýsir, at loyvið verður rættað, og Asbjørn Senior fær fiskiloyvið aftur í dag.

Hetta hevur ikki forðað skipinum í at loysa, tí Asbjørn Senior er ikki komin á listan hjá ES við føroyskum skipum, sum sleppa at fiska makrel í ES-sjógvi.

Asbjørn Senior sleppur at fiska av felagskvotuni hjá bólkinum øðrum skipum.