Smáur svartkjaftur skal verjast

Smáur svartkjaftur skal verjast
Vørn kann seta bráðfeingis veiðibann á leiðini, har ov nógvur ungfiskur er
 
12.02.2016 - 08:13

Ungfiskurin skal nú verjast í svartkjaftafiskiskapinum í føroyskum sjógvi.

Høgni Hoydal, landsstýrismaður í fiskivinnumálum, lýsir reglur, sum skulu forða fyri, at ov nógvur smáur svartkjaftur verður fiskaður.

Nýggju reglurnar áseta hámark fyri ungfiski. Skiparin hevur skyldu at boða Vørn frá, um meira enn 50 prosent í hvørjum háli er svartkjaftur styttri enn 23 sentimetrar. 

Vørn kann síðani seta bráðfeingis veiðibann á leiðini, har ov nógvur ungfiskur er. 

Reglurnar eru galdandi fyri øll skip, sum fiska svartkjaft í føroyskum sjógvi, eisini tey útlendsku.

Hetta verður gjørt, tí bæði í fjør vár og aftur nú í vetur fáa skipini meira enn vanligt av smáum svartkjafti.

Landsstýrismaðurin heldur, at tað er í andsøgn við góða stovnsrøkt at fiska smáan svartkjaft, sum ikki er komin í gýtingaraldur. 

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592