Einki sambýli í Svínoy

- Svínoyggin er so fjarskotin, at veður og vindur kunnu forða fyri tilbúgving, verður bráðkomin tørvur á læknahjálp.

Tað sigur Jógvan Skorheim, borgarstjóri í Klaksvíkar kommunu, ið Svínoy eisini er partur av, sambært Dimmalætting.

Bygningur gjørdur til endamálið

Bygningurin var innilokaður í 2012, men einki er innrættað. Jógvan Skorheim væntar, at tað fer at kosta umleið tvær milliónir krónur aftrat at gera bygningin lidnan.

Hann sigur við Dimmalætting, at ein møguleiki er at nýta bygningin til ferðavinnunuendamál. Ein annar møguleiki er at nýta hann til virksemi á sosiala økinum og til fólk við serligum tørvi.

Ætlanin er at hava fund við Svínoyarnevndina í næstu viku, og so skal ein politisk støða takast, sigur Jógvan Skorheim við Dimmalætting.