Allir føroyingar fáa talgildan samleika næsta ár

Tað fer at lætta um hjá borgarum, vinnu og tí almenna, og geva møguleika fyri lættari og skjótari at avgreiða formlig viðurskifti.

Talgildingin fer at nútíðargera og rasjonalisera umsiting og tænastur í samfelagnum og gera Føroyar kappingarførar, tá ið ræður um talgilt undirstøðukervi, verður sagt í viðmerkingunum til uppskotið um játtanarkarmar.

Landið fer næsta ár at seta 20 milliónir krónur av til endamálið, og næstu fýra árini verða eisini 20 milliónir settar av um árið til talgildingina.

Í fjør og í ár hava peningastovnarnir játtað at seta níggju milliónir krónur í verktlanina Talgildu Føroyar.