Viðgera nú kæruna um tunnilsveg

Nevndin skal í fyrsta umfari avgera, um hon hevur heimild at viðgera kærunu, og um tann, sum kærdi, hevur kærurætt, hevur rættarligan áhuga í málinum.

Verður niðurstøðan tann, at nevndin skal viðgera kæruna, verður kæran send til hoyringar hjá tí kærda.

SÍ EISINI Tunnilin brot á byggisamtyktina

Zakarias Wang, sum hevur verið formaður í ráðgevandi nevndini hjá Tórshavnar býráði fyri Hoyvík og Hvítanes, segði fyri góðum tveimum vikum síðani, at hann ætlaði at kæra.

Hann fór at kæra, at partafelagið, sum skal gera Eysturoyartunnilin, er farið undir at gera vegin til tunnilsmunnan í Streymoynni beint oman fyri Hvítanes. Zakarias Wang sigur, at hetta er brot á byggisamtyktina fyri Hvítanes.

Kærunevndin kann avgera, at kæran hevur steðgandi virknað, tað er, at vegargerðin skal steðga, til kæran er avgreidd.