Starvsfólkaveitsla í Havn kostaði hálva millión

Starvsfólkaveitslan, sum Tórshavnar kommuna helt fyri øllum starvsfólkum í kommununi 20. mai, kostaði 425.918 krónur.

Kostnaðurin fyri hvørt starvsfólk var umleið 328 krónur, upplýsir kommunan fyri Kringvarpinum. Fyrivarni verður tó tikið fyri, at frávik kunnu vera í endaligu upphæddini.

Fyrisitingin í kommununi læt 300.000 krónur til veitsluna av síni játtan, og kommunalu stovnarnir rindaðu 130 krónur fyri hvørt starvsfólk, sum var í veitslu. 

Heðin Mortensen, borgarstjóri, var einasti býráðslimur, sum var á veitsluni.