Asfaltið kann ikki brúkast

Asfalteringin, sum er brúkt á hesum strekki er ikki roynd áður í Føroyum, sigur Henrik Old, landsstýrismaður í samferðslumálum, í svari til Bjørn Kalsø, tingmann fyri Sambandsflokkin.

Tilfarið, har asfalstarbeiðið misneyðnaðist, verður tikið av í hesi vikuni, men tað er ikki avgjørt, hvat tilfar verður lagt á ístaðin.

Tíðarætlanin ikki ávirkað

Tað fer ikki at ávirka tíðarætlanina, at ein partur verður asfalteraður av nýggjum, sigur landsstýrismaðurin í svarinum, og væntandi fer hetta ikki at kosta Landsverki meira.

Tí tað er vanligt, at arbeiðstakarin hevur ábyrgdina í slíkum førum, sæst í svarinum frá landsstýrismanninum í samferðlsumálum.

Sambært tíðarætlanini skal Viðareiðistunnilin takast í nýtslu í fyrsta ársfjórðingi í 2017. Samlaði fíggjarkarmurin er 162 milliónir krónur.