Eldraland byggjast á Kambsdali

Tá býráðið varð skipað eftir kommunuvalið í 2012, varð settur ein bólkur at arbeiða við eldraøkinum.

Tosað verður um at byggja vardar íbúðir, sambýli, eina røktar- og ellislon, eina lon fyri fólk, sum eru minnisleys, dement, og kanska eina lon til fólk, sum hava ólekjandi sjúku og liggja fyri deyðanum.

Einki slíkt stað er í Eysturoynni. Býráðið tekur undir við ætlanini og hevur latið 200.000 krónur í eykajáttan í ár.