Træta um ráðgeving

Arkitekter 99 eru høvuðsráðgevi, og tí fer Landsverk, sum er byggiharri, eftir teimum. Talan er um okkurt um hálva aðru millión krónur, sum Landsverk fer at krevja frá høvuðsráðgevanum, Arkitektum 99 í Havn.

Tað sigur Arne Debess Madsen, deildarleiðari hjá Landsverki Men talið er ikki endaligt, tí arbeiðið er ikki liðugt. Arne Debess Madsen sigur, at ein projektfeilur er gjørdur.

Feilin vil Landsverk hava endurgjald fyri. Jóhann Laksafoss hjá Arkitektum 99 sigur, at hagar er einki krav komið frá Landsverki. Og talið, hálv onnur millión, hevur ikki hoyrt.

Tryggingin er varskógvað

Kemur eitt krav, noyðast Arkitektar 99 sum høvuðsráðgevi og undirráðgevararnir at seta seg saman og tosa um kravið og meta, hvat er rímiligt og hvat ikki er, og hvør skal gjalda, sigur Jóhann Laksafoss.

Jóhann Laksafoss sigur, at hann hevur varskógvað tryggingina um, at eitt møguligt endurgjaldskrav er á veg.

Arkitektar 99 hava ikki sjálvir eftirlitið við arbeiðinum í Tekniska skúla, og tað er óheppið, at Landsverk hevur valt tað loysnina, sigur Jóhann Laksafoss.