Tvey flogfør sleppa ikki á flog

150 fólk, sum skuldu til Bergen og Mallorca sita á flogvøllinum í Vágum og bíða eftir at sleppa avstað í dag. Tá flogfarið skuldi fara til Mallorca klokkan 08 í morgun, vísti tað seg at olja lak úr motorinum. 

Tá flogfarið til Bergen stutt eftir skuldi gerast klárt, vísti tað seg, at hetta flogfarið eisini hevði ein oljuleka.

- Hetta er heilt løgi, vit hava aldrin uppilva tað fyrr, sigur Rasmus Niclassen, ferðslusamskipari hjá Atlantsflogi.

Mekanikarar arbeiða í løtuni uppá skaðarnir og tað ber ikki til at siga nakað um, nær ferðafólkini sleppa avstað, sigur hann.

Triðja og einasta flogfarið hjá Atlantsflog, sum ikki hevur skaða í løtuni, stendir í Keypmannahavn.